Kamerade han Vaasöcheheet jeüb
20 Kamerade von däm Löschzoch II von dä Wiileschwößte Jemeende-voijewea troofe sisch am viete Meats 2008 am ADAC Vaasöcheheetstsäntrum „Reng – Äref“ en Wiileschwöß, öm dat Vaa- on Brämsvehaale von iere Vaatsoije bais kenne tse liere – jedanklisch, suwii och praktisch. Us dä Vaascholl kante se noch all de Beräschnung von dä ongescheetliche Brämswääch on dea Wääch, bös dat dat Vaatsoich schton bliiv. Äve och sun Kamerade, di vel möt ierem Vaatsoich ongewääs sen, krääte bal ene Päfemöntsschlach, wi se jemärek han, wi ie Vaatsoich sich op jlatte Vaaban bejm brämse vehält. All han se dröve Bouklötz jeschtaunt, wi se jemärek han, wi sich dat schlömm uswirek, wenn me nue e kleen besje mi Jas jit.
Von lengks: Vaasöcheheetsträne Bernd Klaedke, Jemeendebrantmeeste Peter Ditz on senge
Schtellvetrete, dä Löschjruppevüüre von dea Lommezeme Löschjrupp, Wolfgang Hecker,
beööje de Kandidate bejm Söcheheetsträning.
Insjesamp han 40 Kamerade von dä Wiileschwößte Jemeendevoijewea am Söcheheetsträning em ADAC – Vaasöcheheetstsäntrum en Wilde mötjemaat. Am 12.2. on am 4.3. 2008 wuete de Übungsstonde ongedeelt noo Löschzoch I on II – afjehaale. All Kandidate han dä praktische Deel möt ierem eejene Vaatsoich jevaare.
Die Jruppe woore emme tso tseen Vaatsoije enjedeelt.

Jeüb wuet em praktische Deel dat Brämse op naasse on jlatte Vaaban, suwii op tswai jlichtsidich ongescheetliche Schtroossebelääch bej lutter schteijendem Tempo. Op jlatte Vaaban joof et bej Volbrämsung – och möt ABS – Brämswääsch von bös tso 80 m, on dat bej nem Tempo von jraat ens 60 – 70 Saache.

Och em teoretische Deel – vüe on noo dä praktische Übung – wuet von däm Träne Bernd Klaedke dat Vehaale von Pärsoonevaatsoije en beschtemmte Vaasituatsione usenandejelaat. Och he konnte se all nue schtaune. Alemool han se von däm Söcheheetsträning vüe de Zukunf vüe ie ejene Söcheheet vel jeliirt.

E Deel Kamerade vom Löschzoch II bejm Vaasöcheheetsträning am
ADAC Vaasöcheheetstsäntrum Reng – Äref en Wiileschwöß

>> zur Homepage des ADAC Fahrsicherheitszentrums Rhein-Erft<<

 Aktesammlung  tserök zu ose Jehööchsick